Royal Media engagement report

Best tweets

• Sep 2, 202617x their median

  Wanaharakati nchini Kenya wamepanga kufanya maandamano ya kitaifa Alhamisi, Septemba 3, 2026, wakilalamikia kile wanachokieleza kuwa ni kuongezeka kwa ukandamizaji dhidi ya viongozi wa upinzani katika nchi za Afrika Mashariki, huku wakimtaja Kiongozi wa CHADEMA Tanzania, Tundu Lissu na Dkt. Kizza Besigye wa Uganda. Maandamano hayo yanatarajiwa kufanyika katika maeneo mbalimbali nchini Kenya, huku Nairobi yakilenga maeneo ya katikati ya jiji, ikiwamo Wizara ya Mambo ya Nje na Wizara ya Mambo ya Ndani. Kwa mujibu wa wanaharakati hao, suala la Besigye limekuwa mfano wa wasiwasi mpana kuhusu namna viongozi na wanachama wa upinzani wanavyoshughulikiwa katika ukanda huo. Mwanaharakati wa Kenya Muteti Mulingi alimtaja Lissu pamoja na Besigye na viongozi wengine wa upinzani kutoka Zambia, Rwanda na Sudan, akisema matukio yao yanaonesha changamoto zinazoendelea ndani ya jumuiya ya Afrika. Hata hivyo, kiini kikubwa cha maandamano hayo ni kesi ya Besigye ambaye wanaharakati wanadai alitekwa akiwa Nairobi, Kenya, Novemba 2024, kisha kuhamishiwa Uganda ambako alifikishwa katika Mahakama ya Kijeshi na baadaye kukabiliwa na mashtaka katika mfumo wa mahakama za kiraia. Wanaharakati hao wanaitaka Serikali ya Kenya kutoa maelezo kamili kuhusu mazingira ya kuondolewa kwa Besigye nchini humo, wakidai kuwa hatua hiyo ilifanyika bila kufuata taratibu za kawaida za kisheria za kumrejesha mtu nchini mwingine. Suala hilo limeibua mjadala mkubwa baada ya Serikali ya Kenya kukiri kuwa ilishirikiana na mamlaka za Uganda katika uhamisho wa Besigye. Wanaharakati wanataka uchunguzi huru kubaini nani aliomba, aliyeidhinisha, aliyewezesha na kuhusika katika operesheni hiyo. Mbali na kudai kuachiliwa kwa Besigye, waandamanaji wanataka apelekwe nje ya nchi kwa ajili ya matibabu maalumu, pamoja na kulipwa fidia na kufanyika uchunguzi kamili kuhusu madai ya ukandamizaji wa kisiasa unaovuka mipaka ya nchi. Wasiwasi wao umeongezeka kutokana na hali ya afya ya Besigye, ambaye kwa mujibu wa taarifa zilizoripotiwa, alianguka wakati wa kesi yake ya uhaini Julai 29, 2026 na kulazwa katika chumba cha wagonjwa mahututi. Baadaye alirejeshwa gerezani huku taarifa zikieleza kuwa afya yake iliendelea kuwa dhaifu. Wanaharakati pia wanaitaka Serikali ya Kenya kutumia njia za kidiplomasia na kisheria kuhakikisha Besigye anaachiwa na kupata matibabu anayohitaji. Mwanaharakati Hussein Khalid, Mkuu wa Vocal Africa, amesema suala hilo linapaswa kuangaliwa kwa mtazamo wa sheria za kimataifa, akitaja kanuni ya non-refoulement, inayozuia nchi kumhamisha mtu kwenda mahali ambako anaweza kukabiliwa na mateso, mateso ya kikatili au ukiukwaji mkubwa wa haki za binadamu. Kwa upande mwingine, wanaharakati hao wameeleza kuwa suala la Besigye haliwezi kutenganishwa na mjadala mpana kuhusu hali ya demokrasia na haki za kisiasa katika ukanda wa Afrika Mashariki, jambo lililowafanya kuwataja pia viongozi wengine wa upinzani, akiwamo Tundu Lissu. Maandamano hayo yanatarajiwa kuwa jaribio jingine la wanaharakati wa Kenya kushinikiza uwajibikaji wa serikali kuhusu kile wanachodai kuwa ni ukandamizaji wa kisiasa unaovuka mipaka ya nchi katika ukanda wa Afrika Mashariki.

  470689211K viewsView on X
• Sep 11, 202613x their median

  Mtandao wa Wanafunzi wa Chama cha Demokrasia na Maendeleo (CHADEMA) Vyuo Vikuu na Kati (CHASO) Mkoa wa Mwanza wameadhimia kumfikisha mahakamani Waziri wa Mambo ya Ndani ya Nchi, Patrobas Katambi kwa madai ya kuvunja katiba ya Jamuhuri ya Muungano wa Tanzania. Akizungumza leo na waandishi wa habari Mwenyekiti huyo wa CHASO Mkoa wa Mwanza, amedai kuwa baada ya kufanya vikao wamebaini ukiukwaji wa sheria na katiba ya nchi unaofanywa na Waziri Katambi hali iliyofanya kukubaliana kumfikisha mahakamani ili kujibu tuhuma zinatazo mkabili. "Sisi kama CHASO Mkoa wa Mwanza tuna dhamira, nia na sababu za kwenda kumshtaki, Patrobas Katambi juu ya uvunjaji wa sheria mama (Katiba) ambapo kwa vipindi tofauti Katambi amekuwa akivunja na kuikanyaga katiba," amesema. Manyama amesema tayari wameshaongea na mawakili wa Chama hicho cha CHADEMA kwa ajili ya kumfungulia kesi ili akajibu tuhuma mahakamani. "Tumeshaongea na mawakili wa chama kwa maana ya Wakili Kadaraja hii kesi lazima ataitwa mbele ya mahakama ili aje athibitishe hayo mamlaka aliyatoa wapi? Kwa sheria gani ina mpa mamlaka yeye kujiamulia mambo hii nchi kila mtu akiwa anajiamulia mambo hatutafika," amesema Manyama.

  3604012226K viewsView on X
• Sep 2, 202612x their median

  Mwenyekiti wa Chama cha Demokrasia na Maendeleo Chadema Tundu Lissu amewataka wote wanaodai kuwa Chadema kwasasa ni chama cha wafuga nywele "Rastafarai" wanapaswa kusoma historia za wapigania uhuru kote duniani kabla ha kumshambulia na kuwashambulia wote wanaowasema baadhi ya Viongozi na wanachama wanaofuga nywele zao kwa kile walichosema ni kuunga mkono muonekano wa Lissu. Lissu ameyasema hayo leo wakati akijibu swali la Deogratius Mahinyila, Mwenyekiti wa Umoja wa vijana wa Chama hicho wakati kesi ya uhaini inayomkabili Tundu Lissu ilipotajwa leo kwenye Mahakama kuu, Masjala ndogo ya Dar Es Salaam.

  33661117.5K viewsView on X
• Oct 12, 202611x their median

  Waziri wa Utamaduni, Sanaa na Michezo Mhe. Paul Christian Makonda leo Oktoba 12, 2026 amewasili mkoani Mwanza kwa ziara ya kikazi ya siku nne yenye lengo la kukagua utekelezaji wa miradi mbalimbali ya maendeleo inayotekelezwa mkoani humo. Kulingana na kurasa rasmi za Serikali ya Mkoa wa Mwanza, Mhe. Makonda anafanya ziara hiyo kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan na amepokelewa na Mkuu wa Mkoa wa Mwanza Mhe. CP Salum Hamduni. Katika ziara hiyo, Waziri Makonda anatarajiwa kukagua miradi ya maendeleo ili kufuatilia utekelezaji wake na kujionea hatua zilizofikiwa katika miradi hiyo mkoani Mwanza.

  22691083247K viewsView on X
• Sep 15, 202610x their median

  Mwenyekiti wa Chama cha Demokrasia na Maendeleo CHADEMA Tundu Lissu amependekezwa rasmi kuwania Tuzo ya Sakharov ya Mwaka 2026, ambayo ndiyo heshima ya juu zaidi inayotolewa na Umoja wa Ulaya (EU) kwa watetezi wa haki za binadamu na uhuru wa kufikiri duniani. Uteuzi huo wa kihistoria umetangazwa rasmi leo, Septemba 15, 2026, na kundi kubwa na lenye nguvu zaidi la kisiasa ndani ya Bunge la Umoja wa Ulaya la The EPP Group (European People's Party). Katika taarifa rasmi iliyotolewa na chama hicho kupitia kurasa zake za mawasiliano, EPP ilieleza kuwa uamuzi wa kumteua Lissu umetokana na mchango wake usio mithilika katika kupigania haki, utawala wa sheria, na mifumo ya vyama vingi vya siasa nchini Tanzania, huku wakimwita "kielelezo cha ujasiri." Waliongeza kuwa Lissu amekuwa sauti imara ya demokrasia na uhuru wa kujieleza nchini Tanzania, akisukumwa na dhamira ya kuona nchi yake inafuata misingi ya kidemokrasia hata pale maisha yake yalipowekwa hatarini Tuzo hii ya Sakharov iliyoanzishwa mwaka 1988 kwa heshima ya mwanasayansi na mpinzani wa Sovieti Andrei Sakharov, hutolewa kila mwaka kwa watu au makundi yaliyojitolea kulinda haki za binadamu na uhuru wa kimsingi. Tuzo hii ina thamani ya kifedha ya Euro 50,000 (zaidi ya Shilingi milioni 150 za Kitanzania) na hutolewa rasmi mwezi Desemba katika ukumbi wa Bunge la Ulaya uliopo Strasbourg, Ufaransa. Tangu kuanzishwa kwake, imekuwa ikitolewa kwa viongozi na wanaharakati walioonesha ujasiri wa kipekee duniani, ambapo hayati Nelson Mandela wa Afrika Kusini ndiye alikuwa mshindi wa kwanza kabisa wa tuzo hii kabla hata hajawa Rais. Baada ya uteuzi huu wa Septemba 15 uliofanywa na EPP Group, mchakato unaingia hatua ya mchujo wa makundi mbalimbali ya kisiasa ndani ya bunge hilo. Kamati ya Mambo ya Nje na Kamati ya Maendeleo ya Bunge la Ulaya zitakaa mwezi Oktoba kupiga kura na kupata wateule watatu wa mwisho (top 3 finalists). Baada ya hapo, Rais wa Bunge la Ulaya na wakuu wa vikundi vyote vya kisiasa watakutana kumtangaza mshindi mkuu wa mwaka 2026, ambaye atakabidhiwa rasmi tuzo hiyo mwishoni mwa mwaka.

  30932415.5K viewsView on X
• Sep 2, 202610x their median

  Askofu wa Kanisa la Kiinjili la Kilutheri Tanzania (KKKT) Dayosisi ya Karagwe, Dkt. Benson Bagonza, amesema umaskini, ujinga, urasimu na tabia ya baadhi ya watumishi wa vyombo vya utoaji haki kujiona kuwa hawawezi kukosea ni miongoni mwa vikwazo vinavyomomonyoa imani ya wananchi kwa Mahakama. Askofu Bagonza amesema hayo kupitia ukurasa wake wa Facebook, akitoa maoni kuhusu kauli ya Jaji Mkuu George Masaju kwamba Mahakama haitaruhusu watu kuidharau taasisi hiyo. Amesema pamoja na kumpongeza Jaji Mkuu kwa jitihada zake, anapaswa kutambua kuwa tatizo kubwa linalowakabili wananchi si kuidharau Mahakama, bali ni imani ndogo waliyonayo kwa mhimili huo. Kwa mujibu wa Askofu Bagonza, wananchi wa kawaida hawawezi kuidharau Mahakama kwa kuwa wanaendelea kuiheshimu na kuiogopa, huku utitiri wa kesi na subira kubwa wanayoonyesha katika kusubiri haki ikiwa ni ushahidi kwamba bado wanaipa heshima taasisi hiyo. Amesema tatizo linapotokea ni pale haki inapocheleweshwa au wananchi wanapokosa imani kwamba wanaweza kuipata haki kupitia mfumo wa Mahakama. Amesema baadhi ya wananchi wamefikia hatua ya kujichukulia sheria mkononi au kutafuta fedha ili kununua haki zao, akisisitiza kuwa kutoiamini Mahakama ni tofauti na kuidharau. Kwa mtazamo wake, juhudi za kurejesha imani ya wananchi zinapaswa kupewa uzito zaidi kuliko kutoa kauli za kuwaonya wananchi dhidi ya kuidharau Mahakama. Askofu Bagonza amemtaka Jaji Mkuu kusimama upande wa wananchi wanaolipa kodi zinazoendesha Mahakama, badala ya kulinda watendaji wanaoweza kuwa chanzo cha wananchi kukata tamaa. Amesema urasimu, umaskini, ujinga na hali ya baadhi ya watumishi kujiona kuwa wao ni muhimu kiasi cha kutoweza kukosea vinaweza kuidhalilisha Mahakama na kuongeza pengo la imani kati yake na wananchi. Aidha, Askofu Bagonza amemtaka Jaji Mkuu kutoiogopa dhana ya “judicial activism”, akisema heshima na fahari ya Mahakama mahali popote hutokana na taasisi hiyo kuchukua msimamo imara katika kutetea ukuu wa Katiba, sheria na haki za wananchi. Amesema Jaji Mkuu hapaswi kuona aibu kuitwa mwanaharakati pale anapotetea uhuru wa Mahakama. Amesisitiza kuwa katika mazingira ambayo mihimili ya Mahakama na Bunge inaweza kuwa dhaifu, Mahakama ina jukumu kubwa la kutetea upekee na uhuru wake bila kujali madhara au gharama zinazoweza kujitokeza. Amesema wanaoikosoa au kuibana Mahakama leo wanaweza kuwa wateja wa taasisi hiyo kesho na kuhitaji Mahakama huru na inayotenda haki. Mwisho, Askofu Bagonza amemtaka Jaji Mkuu kuendelea kulinda utakatifu, uhuru na weledi wa Mahakama, akimwomba asiogope kuitwa mwanaharakati wala kuona aibu kutetea uhuru wa Mahakama, ambayo amesema ni kimbilio la wanyonge wengi. Pia amemtaka kuepuka kulinda dhana ya kwamba Mahakama haiwezi kukosea, badala yake aelekeze nguvu katika kulinda uhuru wa Mahakama.

  28059508.1K viewsView on X
• Oct 12, 20269.1x their median

  Chama cha Demokrasia na Maendeleo (CHADEMA) kimedai kuwa Askofu wa Jimbo Katoliki la Singida, Mhashamu Edward Mapunda, alizuiwa kumtembelea Mwenyekiti wake, Tundu Antipas Lissu, Jumapili, Oktoba 11, 2026, kwa ajili ya kumjulia hali na kufanya naye sala ya Jumapili. Katika taarifa kwa umma iliyotolewa leo, Jumatatu, Oktoba 12, 2026, na Mkurugenzi wa Mawasiliano na Uenezi wa chama hicho, Brenda Rupia, CHADEMA imesema askofu huyo alisafiri kutoka Singida kwenda kumtembelea Lissu, lakini baada ya kusubiri kwa saa kadhaa, alijulishwa kuwa hangeweza kumuona bila kibali cha Kamishna wa Magereza. Kwa mujibu wa taarifa hiyo, askofu huyo alisubiri kuanzia saa tatu kasoro asubuhi hadi saa saba mchana kabla ya kupewa maelezo hayo, hali ambayo imekifanya chama hicho kuhoji sababu za kuzuiwa kwa ziara hiyo ya kiroho. CHADEMA imelitaka Jeshi la Magereza na Serikali kueleza sababu za kumzuia askofu huyo kumtembelea Lissu, ikihoji athari zinazoweza kusababishwa na ziara iliyokuwa na lengo la kumjulia hali na kuongozana naye katika sala. Chama hicho pia kimeeleza kuwa kesi ya uhaini inayomkabili Lissu imemaliza hatua ya kusikilizwa na kwamba kinachosubiriwa ni hukumu inayotarajiwa kutolewa Novemba 6, 2026. Aidha, CHADEMA kimewataka viongozi wengine wa kiroho kulitafakari suala hilo na kuchukua hatua kwa kadiri watakavyoongozwa na Mwenyezi Mungu, kikisisitiza umuhimu wa huduma za kiroho kwa watu walio katika mazingira ya kizuizi.

  24058305.5K viewsView on X
• Sep 15, 20267.9x their median

  "Nilikuwa Mahakamani kwa siku tano hizi, Nimekuwa na Mwenyekiti Tundu Lissu kwa siku tatu na wale jamaa wa Serikali kwa siku mbili wakijaribu kufanya kila kinachowezekana lakini nafikiri tumeshughulika nao vizuri sana." Makamu Mwenyekiti Bara wa Chadema John Heche akizungumza katika maadhimisho ya siku ya Demokrasia duniani, yaliyofanyika leo Septemba 15, 2026 makao makuu ya CHADEMA, Edwin Mtei House, Dar es Salaam.

  220309110K viewsView on X
• Sep 2, 20267.8x their median

  Mwenyekiti wa CHADEMA, Tundu Lissu, amesema hataki suala la kutembelewa usiku akiwa gerezani, akisisitiza kuwa yuko tayari kuendelea kukabiliana na hali hiyo hadi haki itakapopatikana. Lissu ametoa kauli hiyo leo Septemba 2, 2026, wakati akiendelea na kesi ya uhaini inayomkabili katika Mahakama Kuu. Amesema hatakata tamaa katika harakati zake za kutafuta haki, huku akisisitiza kutotaka kutembelewa usiku akiwa gerezani.

  215373310K viewsView on X
• Sep 10, 20267.6x their median

  Askofu Mkuu wa Kanisa la Moravian Uamsho Tanzania, Askofu Emmaus Bandekile Mwamakula ametoa wito kwa Serikali kutoa ufafanuzi kuhusu alipo aliyekuwa Makamu wa Rais wa CCM, Balozi Dkt. Emmanuel Nchimbi. Akizungumza Septemba 08, 2026 kwenye kipindi cha Sauti FM, Askofu Mwamakula alisema kuondoka kwa Dkt. Nchimbi katika nafasi hiyo kumeacha utata mkubwa na kuleta hofu miongoni mwa wananchi. "Tuna haki ya kujua habari za viongozi wetu wa ngazi za juu. Kuhusu Nchimbi tuko gizani. Serikali inatakiwa isimame na kutoa taarifa rasmi ili kuondoa hofu kwamba labda ametishwa au yuko kizuizini." alisema Askofu Mwamakula. Askofu huyo alisisitiza kuwa Dkt. Nchimbi si kiongozi wa kawaida. Alikumbusha kuwa alikuwa na jukumu kubwa la kuhamasisha wananchi kupiga kura kote nchini, na alitoweka ghafla baada ya kutoa barua yenye masuala ya ndani ya CCM. Pia alirejelea ukimya wa Serikali uliotokea wakati wa kuugua kwa Hayati Rais John Magufuli, na kusema haifai kurudia. "Hili linaibua maswali kuhusu haki ya wananchi kupata taarifa. Tunachokiona sasa si suala la katiba mpya. Ni migogoro ya madaraka ndani ya CCM ndiyo imemsababishia haya." aliongeza. Askofu Mwamakula alilaumu viongozi wa CCM kwa kumshambulia Nchimbi wakati alipotangaza kujiondoa kwenye siasa na kustaafu. Alimalizia kwa kusema kuwa mpaka Serikali itoe msimamo rasmi, uvumi na mashaka miongoni mwa wananchi vitaendelea.

  20042716.8K viewsView on X

Ranked by total interactions across everything we have tracked for this account, which is a longer history than the 30-day window the rates above use. The multiple compares each post to this account's own median.

Keep going